उद्धार र राहतको प्रभावकारी व्यवस्था गर्न पूर्वराजा ज्ञानेन्द्र शाहको आग्रह

३ असार, काठमाडौं । पूर्वराजा ज्ञानेन्द्र शाहले बाढी पहिरोबाट प्रभावितहरुलाई उद्धार र राहतको प्रभावकारी व्यवस्थापन  गर्न आग्रह गरेका छन्।

आज एक विज्ञप्ती निकाल्दै पूर्वराजा शाहले बाढी पहिरो नदी कटान जस्ता प्रकृतिक विपत्तिले  हिमाल पहाड तराइका धेरै जिल्लामा भएका घटनाहरु प्रति दुःख ब्यक्त गर्दै पीडितहरुलाई तत्काल  उद्धार र राहतको प्रभावकारी व्यवस्थापन मिलाउनु पर्ने विषयमा सवै पक्ष गंभिर हुनुपर्ने बताएका हुन ।

उनले महामारी र विपद्को सबै मिलेर यसको न्यूनीकरणमा लाग्नु पर्ने बताएका छन्। कोरोनाले आक्रान्त भइरहेको समयमा बाढी पहिरो नदी कटान जस्ता विपत्ति आइपरेको भन्दै पूर्व राजाले यसको सबैले मिलेर सामना गर्न आग्रह गरेका छन्।