देशमा बाढी पहिरोबाट भएको ठुलो जनधनको क्षतीले डा. कोइराला स्तब्ध

३ असार, काठमाडौं । नेपाली कांग्रेसका नेता डा.शेखर कोइराला देशमा बाढी पहिरोबाट भएको ठुलो जनधनको क्षतीले स्तब्ध भएका छन् । केही दिनदेखि परेको अविरल बर्षाका कारण सिन्धुपाल्चोक, मनाङ, चितवन लगायत देशका विभिन्न क्षेत्रमा बाढी पहिरोबाट भएको ठुलो जनधनको क्षेतीले डा कोइराला स्तब्ध र असाध्यै मर्माहत भएका हुन् ।

सामाजिक सञ्जालमा एक विचार पोष्ट गर्दै डा. कोइरालााले बाढी र पहिरो पिडितका लागि तत्काल उद्धार र राहतको ब्यवस्था मिलाउन डा. शेखरको सरकारसँग माग समेत गरेका छन् । नेता डा. कोइरालाले जनतामा परेको प्राकृतिक बिपत्तिप्रति गहिरो दुःख ब्यक्त गर्दै बाढी पहिरोमा परेका नागरिकहरुको तत्काल उद्धार गर्न र आवश्यक राहत सामाग्रीको ब्यवस्थापन मिलाउन सरकारसँग जोडदार रुपमा माग गरेका छन् ।

बाढी, पहिरो र भूक्षयमा परी सयौं नागरिकहरु हराईरहेको तर्फ ईंगित गर्दै कांग्रेस नेता कोइरालाले सरकारी संयन्त्रको अधिकतम उपयोग गरेर बेपत्ता नागरिकको खोजी गर्ने कार्यलाई तिब्रता दिन र आहातमा रहेका नागरिकहरुलाई तत्काल राहतको ब्यवस्था मिलाउन समेत सरकार समक्ष जोडदार रुपमा समेत माग गरेका छन् ।