सेतीनदीमा पानीको बहाव खतराको तह भन्दामाथि, सतर्कता अपनाउ आग्रह

४ असार, काठमाडौं । लगातारको वर्षाका कारण डोटीको सेती नदीमा पानीको बहाव खतारको तह पार गरेको भन्दै  सतर्कता अपानाउ आग्रह गरिएको छ ।

अहिले सेती नदीमा पानीको बहाव मापनअनुसार ८.४ क्युसेक पुगेको छ । यो ‘वार्निङ प्वाइन्ट’ भन्दा माथि हो ।

बहाव बढेकाले नदी आसपासका बस्तीमा खतरा बढेको भन्दै सचेत रहन जिल्ला प्रशासन कार्यालय डोटीले सबै नागरिकलाई आग्रह गरेको छ ।

नदीमा पानीको बहाव बढ्न थालेसँगै इलाका प्रहरी कार्यालय दिपायल, प्रहरी चौकी तिल्तालीको टोलीले नागरिकलाई नदी क्षेत्रमा नजान तथा सचेत रहन माइकिङ गरिरहेको छ ।नदीले यहाँका धान रोपेका खेतमा कटान गरी बगाउन थालेको छ ।

सेती नदी आसपासका बस्ती बानीडुग्रीसैन, गोपघाट, बारपाटा, सिरखोलीसैन, कालागाढ, रामपुर, दिपायल, घोल्तडा, भागेतडा, कैलडा तथा नारीदाङका स्थानीयवासीलाई जोखिमा परेका छन् ।