बाढीपीडित भन्छन्, एउटा बास बस्ने टहरो थियो त्यो पनि पुर्यो: अहिले बिचल्ली छ [ फोटोफिचर ]

५ असार, काठमाडौं । असार १ गते आएको बाढीले हेलम्बु र मेलम्चीमा क्षतविक्षत बनाएको छ । मेलम्‍ची बजारमा बाढी पसेर आएको लेदोले घरहरूमा क्षति पुगेको छ । कतिपय घरहरू बगाएका छन् ।

सरकारी तथ्याङ्क अनुसार उक्त बाढीमा २० जना बढी बेपत्ता भएका छन् । त्यस्तै अर्बौको भौतिक क्षति भएको छ । गत असार १ गतेदेखि मेलम्ची खोलामा निरन्तर बाढी आइरहेको छ । सो बाढीले दर्जनौ ब्यक्ति बेपत्ता पारेको छ भने भौतिक संरचना तथा खेतीयोग्य जमिन तहसनहस पारेको छ ।

मानो रोपेर मुरि फलाउने बेला दुख गरिखाने किसानको खेत सबै बगाएको छ । मेलम्ची बाढीपीडित भन्छन्, अब के खाने थाहा छैन । राहत कतै छ, कतै छैन । एउटा बास बस्ने टहरो थियो , त्यो पनि पुर्यो । अहिले बिचल्ली छ ।

यसैबीच पानी पर्न रोकिदा नि गएराती मेलम्ची खोलामा आएको बाढीले सिन्धुपाल्चोकको हेलम्बु इलाका प्रहरी कार्यालयको तीन तले भवन ढलाएको छ । बाढीको उच्च जोखिम भएकोले प्रहरीले सो भवन छोडिसकेको थियो ।

यस्तै ग्याल्थुममा रहेको इष्ट पोइन्ट माध्यमिक बिद्यालयको भवन रहेको जमिन कटान हुँदा ढल्ने अवस्थामा पुगेको छ । हेलम्बु क्षेत्रका तालामाराङ्, ग्याल्थुम, शेरा, चनौटे, किउल, तिम्बु, अम्बाथान लगायतका स्थानमा नदी छेउ रहेका बस्तीहरु बगरमा परिणत भएका छन् ।

मंगलबार राति मेलम्ची र यांग्री खोलामा गएको विनासबारी बाढीका कारण मेलम्ची बजार अस्तव्यस्त बन्यो । खोला छेउका करिब ३ दर्जन घरमा पूर्ण क्षति भयो भने करिब एक सय घर प्रभावित भएका छन् ।

पक्की घरका तीन तलामाथिसम्म नदीले बगाएर ल्याएको लेदो भरिएको छ । बाढीले २ वटा पक्की पुल बगाएको छ भने ३ वटा झोलुंगे पुल बगाएको छ ।

शनिबार दिउँसो मेलम्चीका तस्विर र भिडियाे : नेपालबहस  डटकम संवाददाता :-लक्ष्मण विष्ट /मेलम्ची