स्वास्थ्यमन्त्रीको रोहबरमा करेन्ट लागि मृत्यु भएका युवकको परिवारसँग सहमति

७ असार, काठमाडौं । नेपाल विद्युत प्राधिकरणको चरम लापरबाहीका कारण मेलम्चीमा एक युवकको मृत्यु भए पछि त्यसको लागि सडक मा सव राखेर विरोध पर्दशन गरिरहेका मृतकका आफन्तसँग सहमति भएको छ ।

विजुलीको खम्बा र तार सडक छेउ लत्रिएर करेण्ट प्रवाह हुँदा मेलम्चीका २७ वर्षिय युवा धर्मराज दुलालको मृत्यु भएको थियो । मेलम्चीमा युवाहरुले मृतकको शब सडकमा तेर्साएर विरोध गरेका थिए ।

स्वास्थ्यमन्त्रीकै रोहबरमा सहमती

विद्युत प्राधिकरणको चरम लापरबाहीका कारण मेलम्चीमा एक युवकको मृत्यु भएका धर्मराज दुलाल स्वास्थ्यमन्त्री शेर वहादुर तामाङको रोहबरमा भर्खरै मात्र मृतकका परिवारसँग विभिन्न बुँदा मा सहमती गरिएको र साब बुझ्न आफन्त राजी भएको बताइएको छ ।

नगर प्रमुख डम्बर अर्याल, मृतकका आफन्त, प्राधिकरण, स्थानीय प्रशासनबिच भएको सहमतिमा परिवारको दुई जनालाई रोजगारी एकजना नगरपालिका र अर्को विद्युत प्राधिकरणमा रोजगारी दिने रमृतकका दुई सन्तानलाई स्नातकसम्म निशुल्क पठनपाठनको ब्यवस्था गरिदिने सहमति भएको हो ।

युवाको मृ्त्यु भएपछि मेलम्चीमा युवाहरुले मृतकको लाश सडकमा तेर्साएर विरोध गरिरहेका थिए । मेलम्ची खोलामा आएको बाढीले घरजग्गा कटान गरेपछि बाँध लगाउन एक्साभेटर लिन गएका दुलाललाई सोमबार बिहान ११ बजे करेन्ट लागेको थियो ।

मेलम्ची नगरपालिका वडा नम्बर १० स्थित बगरमा हिँडिराखेका दुलालको हातमा करेन्ट लागेको स्थानीय बासिन्दाले बताएका थिए । मेलम्चीले कटान गरेर विद्युतको पोल ढालेको र उनको हातमा ११ हजार भोल्टको करेन्ट लागेको थियो। स्थानीयले शबलाई उठाउन नदिए पछि उनीहरुसँग लिखित सहमति गरिएको बताइएको छ ।