मुक्तिनाथ विकास बैंकले ऋणपत्र निष्कासन गर्न पायो अनुमति

१० असार, काठमाडौं । मुक्तिनाथ विकास बैंकले १ अर्ब २५ करोड रुपैयाँ बराबरको ऋणपत्र बिक्री गर्न धितोपत्र बोर्डबाट अनुमति पाएको छ । बैंकले प्रतिइकाई १ हजार रुपैयाँको दरमा १२ लाख ५० हजार इकाई ऋणपत्र बिक्री गर्न लागेको हो ।

यसमध्ये ५ लाख इकाई सर्वसाधारणका लागि खुला हुनेछ । बाँकी ७ लाख ५० हजार इकाई भने बैंकले आफ्नै पहलमा अन्य संघ–संस्थालाई बिक्री गर्नेछ ।

यस ऋणपत्रमा वार्षिक ८.७५% ब्याजदर पाइनेछ । बैंकले ७ वर्ष अवधिको मुक्तिनाथ विकास बैंक डिबेन्चर जारी गर्न लागेको हो । यसमा बिक्री प्रबन्धकको जिम्मेवारी सानिमा क्यापिटल मार्केटले लिएको छ ।