बीमा संस्थानको प्रशासकमा कवि पाठकको पुनर्नियुक्ति

१० असार, काठमाडौं । राष्ट्रिय बीमा संस्थानको प्रशासकमा कविप्रसाद पाठककाे पुनर्नियुक्ति भएकाे छ । सोमबार बसेको मन्त्रिपरिषदको बैठकले पाठकलाई कार्यसम्पादन तथा मूल्याङ्कनका आधारमा थप एक कार्यकालको लागि पुनर्नियुक्ति दिएको हो ।

पाठकको पहिलो कार्यकाल जेठ ६ गते नै सकिएको थियो । कार्यकाल भित्रै पुनर्नियुक्ति नभएपछि संस्थानबाट उनी बिदा भएका थिए । तर सरकारले सोमबार उनलाई पुनर्नियुक्ति दिने निर्णय गरेको हो । पाठकले मंगलबार नियुक्ति पत्र बुझेर बुधबारदेखि संस्थानमा हाजिरगरेका छन् ।

थपिएको कार्यकालमा लामो समयदेखि थाति रहेको लेखापरीक्षण तथा साधारणसभाको कामलाई चाडाे भन्दा चाडाे सम्पन्न गर्ने पाठकले जानकारी दिए ।