पहिरोले स्कुटर र मोटरसाइकल पुरिँदा सडक अवरुद्ध

१० असार, काठमााडौं ।अविरल बर्षाले पहिरोले स्कुटर र मोटरसाइकल पुरिँदा सडक अवरुद्ध भएकाे छ । सिन्धुपाल्चोक, बाह्रबिसे नगरपालिका-९ अरनिको राजमार्गको जुरेमा बुधबार बेलुका अबिरल बर्षाको कारण आएको लेदोसहितको पहिरोले बा.८४ प ५४३० नम्बरको स्कुटर, बागमती प्रदेश ३-०२-प ६६०७ र बागमती प्रदेश ३-०१-प ८०७६ नम्बरका २ मोटरसाइकल बगाएको छ ।

पहिरोले मोटरसाइकल बगाई लगेको भन्ने खबर प्राप्त हुनासाथ प्रहरी चौकी लामोसाँघुबाट खटिएको प्रहरीले दोलखा शैलुङ्गेश्वर नगरपालिका-३ बस्ने १९ वर्षीय रबिन्द्र शाक्यको प्रदेश नम्बर २-०१८-प ४८३३ नम्बरको मोटरसाइकल पूर्णरुपमा बिग्रिएको अवस्थामा पहिरो हटाइ निकालेको छ । लेदोका कारण बाटो अवरोध भएको छ ।

जुम्ला, तिला गाउँपालिका-१ लाम्पातास्थित सडकमा बिहीबार बिहान पहिरो आउँदा कर्णाली राजमार्ग पूर्णरुपमा अवरोध भएको छ । पहिरोका कारण अवरोध भएको सडक खुलाउन नजिकको प्रहरी कार्यालयबाट खटिएको प्रहरीले आवश्यक पहल गरिरहेको छ ।