किशोरीलाई ललाईफकाइ जबरजस्ती करणी गर्ने युवक पक्राउ

११ असार, खोटाङ । खोटाङमा एक १६ वर्षीया किशोरीलाई जंगलमा बोलाएर जबरजस्ती करणी गर्ने एक युवक पक्राउ परेका छन् । दिक्तेल रुपाकोट मझुवागढी नगरपालिका- ६ नेर्पाका ३१ वर्षीय अरुण राई पक्राउ परेका हुन् ।

दिक्तेल रुपाकोट मझुवागढी नगरपालिका– ५ लफ्याङकी एक किशोरीलाई ललाईफकाइ गरी उनले बुधबार बेलुकी रातको ९ बजेको समयमा नजिकैको जंगलमा लगेर जवरजस्ती करणी गरेको खुल्न आएको जिल्ला प्रहरीले जनाएको छ ।

पीडित किशोरीले आफूमाथि राईले जबरजस्ती करणी गरेको भन्दै जिल्ला प्रहरी कार्यालयमा उजुरी दिएको र सोही उजुरीको आधारमा पीडित र पीडकलाई पक्राउ गरी थप अनुसन्धान गरिरहेको प्रहरीले जनाएको छ ।