अविरल वर्षाका कारण सुर्खेतको वीरेन्द्रनगर जलमग्न

११ असार, सुर्खेत । अविरल वर्षाका कारण सुर्खेतको वीरेन्द्रनगर जलमग्न भएकाे छ । वर्षाका कारण वीरेन्द्रनगरका विभिन्न क्षेत्र डुवानमा परेका हाे  ।

आज परेको पानीले वीरेन्द्रनगरका जुम्लारोड, खजुरालगायतका क्षेत्र डुवानमा परेका छन् । वर्षाका कारण पसलमा पानी पसेर क्षति पुगेको छ । प्रहरीका अनुसार बर्षाले ४० भन्दाबढी पसलहरुमा क्षति भएको छ ।

खजुराका स्थानीयले वीरेन्द्रनगर नगरपालिकाको लापरवाहीका कारण आफूहरु डुवानमा परेको बताएका छन् । रत्नराजमार्ग दक्षिणका अधिकांश क्षेत्र डुवानमा परेका छन् ।