प्रधानमन्त्री ओलीको पुत्ला दहनसहित देशभर प्रदर्शन गर्ने पाँच बिद्यार्थी संगठनको निर्णय

१४ असार, काठमाडौं । प्रतिनिधिसभा बिघटन बिरुद्ध सर्वोच्च अदालतमा गरमागरम बहस चलिरहेका बेला रिट निवेदन पक्षका ५ बिद्यार्थी संगठनले देशभर प्रदर्शन गर्ने निर्णय लिएका छन् ।

आज राजधानीमा बसेको प्रमुख पाँच बिद्यार्थी संगठनको संयूक्त बैठकले राजनीतिक र शैक्षिक क्षेत्रका समस्या र चुनौतिबारे महत्वपूर्ण निर्णय गरि संयूक्त वक्तव्य जारी गरेका हुन् ।

नेपाल विद्यार्थी संघ, अखिल क्रान्तिकारी, अनेरास्ववियू, समाजवादी विद्यार्थी युनियन र अखिल छैटौंले संयुक्त रुपमा सरकारको अधिनायकवादी र स्वेच्छाचारी शासनको विरुद्ध तथा संसद पुनर्स्थापनाको माग गर्दै असार १६ गते ७७ वटै जिल्लामा प्रदर्शन गर्ने नेविसंघका महामन्त्री यूवराज पाण्डेले जानकारी दिए ।

संयुक्त संघर्ष समितिको आज सोमबार बसेको बैठकले असार १७ गते काठमाडौं उपत्यकामा प्रधानमन्त्री केपी ओलीको पुत्ला दहनसहित संयूक्त बिद्यार्थी प्रदर्शन गर्ने निर्णय गरेको उनले बताए । साथै सर्वोच्च अदालतले विधिको शासन र संसद पुनस्थापना गर्ने विश्वास समेत उनीहरुले व्यक्त गरेका छन् ।

बैठकले विश्व विद्यालयमा देखिएका शैक्षिक समस्याको बारेमा असार १५ गते त्रिभुवन विश्व विद्यालयका उपकुलपति समक्ष र राष्ट्रिय परीक्षा बोर्डका अध्यक्षसमक्ष ज्ञापनपत्र बुझाउने निर्णय गरेको छ । लकडाउन अवधिको सम्पूर्ण शुलक राज्यले बहन गरी बिद्यार्थीमाथि शुल्क नथोपर्न आग्रह गर्दै यदि मनपरी शुल्क उठाइए निजी बिद्यालय बिरुद्ध कडा आन्दोलन गर्ने चेतावनी पनि ५ बिद्यार्थी संगठनले दिएका छन् ।

यस्तै बिद्यार्थी वर्गलाई कोभिड बिरुद्धको खोपको व्यवस्था गर्न, कोभिड खोप र स्वास्थ्य सामाग्री खरिदमा भएको चरम भ्रष्ट्राचारको छानविन गर्न तथा पटक पटक गरिएको पेट्रोलियम पदार्थको मुल्यबृद्धि रोक्न समेत सरकारको ध्यानाकषर्ण गराएको छ ।

संयूक्त वक्तव्यको पूर्णपाठ:-