राप्रपा कैलालीद्वारा ३५ थान अक्सिजन सिलिन्डर हस्तान्तरण

१५ असार, धनगढी । राष्ट्रिय प्रजातन्त्र पार्टी जिल्ला कार्यसमिति कैलालीको पहलमा कोरोना भाइरस (कोभिड–१९) का कारण प्रभावित बिरामीहरुका लागि सेती प्रादेशिक अस्पताललाई ३५ थान अक्सिजन सिलिन्डर हस्तान्तरण गरेको छ ।

हङकङ स्थायी निवासी सिन हौतुङ र अमरधन मेमोरियल फाउन्डेसनका संस्थापक त्रिलोक गुरुङको सहयोगमा ३५ थान अक्सिजन सिलिन्डर हस्तान्तरण गरिएको कुरा राप्रपाका युवा नेता पुरु दाहालले बताए ।

स्वास्थ्य सामाग्री हस्तान्तरण कार्यक्रममा राप्रपाका केन्द्रीय सदस्य ललित जोशी, छत्र मल्ल, कैलाली जिल्ला अध्यक्ष होम बाहादुर गुरुङ लगायत विभिन्न भातृ संगठनका नेता तथा कार्यकर्ताको उपस्थिति रहेको थियो ।