बाढी र पहिरोबाट मृत्यु भएका परिवारलाई कांग्रेसले नगद रकम दिने

१५ असार, काठमाडौं । नेपाली कांग्रेसले बाढी र पहिरोबाट मृत्यु भएका परिवारलाई नगद रकम दिने भएकाे छ । कांग्रेसले वैशाख यता बाढी र पहिरोबाट मृत्यु भएका व्यक्तिका परिवारलाई २५ हजार दिने भएको हो ।

कांग्रेस केन्द्रीय समितिद्वारा गठित बाढी–पहिरो विपद् व्यवस्थापन समितिका संयोजक मोहन बस्नेतले मंगलबार एक विज्ञप्ति जारी गर्दै आर्थिक सहयोग गर्ने घोषणा गरेका हुन् । राहत प्राप्त गर्न मृतकको सनाखत हुनुपर्ने कांग्रेसले जनाएको छ ।