कर्पोरेट डेभलपमेण्ट बैंकको साधारण सभा असार २५ गते, यस्ता छन ऐजेण्डा

१८ असार, काठमाडौं । कर्पोरेट डेभलपमेण्ट बैंकको १३औं वार्षिक साधारण सभा असार २५ गते हुने भएको छ ।

सभा बिहान ७:३५ बजे बैंकको प्रधान कार्यालय आदर्शनगर वीरगञ्ज, पर्सामा हुने कम्पनीले जानकारी गराएको हो । कम्पनीले कुनै पनि लाभांश वितरण गर्ने प्रस्ताव गरेको छैन ।

सभाले आव २०७६/७७ को वार्षिक प्रतिवेदन छलफल गरी पारित गर्नेछ । साथै आव २०७७÷७८ को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारित गर्नेछ ।

सभाको विशेष प्रस्तावले यस बैंक र अन्य बैंक तथा वित्तीय संस्थाहरु एक आपसमा गाभ्ने गाभिने वा प्राप्ति सम्बन्धी सम्पूर्ण कार्यहरु गर्न सञ्चालक समितिलाई पूर्ण अख्तियारी दिने प्रस्ताव पनि पारित गर्नेछ । कम्पनीको असार १ गते बसेको सञ्चालक समितिको बैठकले उक्त साधारण सभा गर्ने निर्णय गरेको हो ।