अब नेपालमा कोरोना भ्याक्सिनको क्याम्पेन चल्छ : ओली

१९ असार, काठमाडौं । प्रधानमन्त्री केपी ओलीले अब नेपालमा कोरोना भ्याक्सिनको क्याम्पेन नै चल्ने बताएका छन् । शनिबार काठमाडौंमा आयोजित कार्यक्रममा उनले केही समय खोप पाउन समस्या भए पनि मित्रराष्ट्रहरुसँगको संवादका कारण खोपमा देखिएको समस्या समाधान भएको बताएका हुन् ।

कार्यक्रममा बोल्दै प्रधानमन्त्री ओलीले अब भ्याक्सिन लगातार आउने र नेपालमा भ्याक्सिनको क्याम्पेन नै चल्ने बताए । प्रधानमन्त्री ओलीले कोरोना भाइरसबाट जोगिन विगतमा मास्क लगाउने, सामाजिक दूरी कायम गर्ने र हात धुने जस्ता उपाय रहेकामा अब खोप मार्फत कोरोना सर्न नपाउने स्थितिमा पु¥याउने बताए ।

ओलीले पहिले जोखिमयुक्त समूहलाई खोप दिने र त्यसपछि क्रमश सबै नागरिकलाई खोप दिने पनि बताएका छन् । सरकारको प्रयासका कारण नेपालमा कोरोना महामारीको क्षति कम भएको दावी गर्दै प्रधानमन्त्री ओलीले खोप आउन थालेपछि थप सुरक्षित हुने बताए ।