आज कोरोनाबाट २३ जनाको मृत्यु, थप २,६२२ संक्रमित !

२० असार, काठमाडौं । स्वास्थ्य मन्त्रालयका अनुसार आज थप २६ सय जनालाई काेराेना भाइरस संक्रमणकाे पुष्टि भएको छ । मन्त्रालयले दिएकाे जानकारी अनुसार पछिल्लो २४ घण्टामा २ हजार ६ सय २२ जनामा कोरोना संक्रमण भएकाे हाे ।

मन्त्रालयका अनुसार ७ हजार ४९९ नमुनाको पीसीआर परीक्षण गर्दा १ हजार ७४५ र ४ हजार २८ एन्टिजेन परीक्षण गर्दा ८७७ गरी २ हजार ६२२ जनामा कोरोना संक्रमण देखिएको हो ।

त्यस्तै मन्त्रालयका अनुसार पछिल्लो २४ घण्टामा २ हजार २११ जना  संक्रमितहरु कोरोना संक्रमणमुक्त भएका छन्, भने थप २३ जना संक्रमितको मृत्यु भएको छ ।