अब विदेशबाट फर्कनेलाई राख्न ११० होटेल क्वारेन्टाइन [ हेर्नुस सूचीसहित ]

२१ असार, काठमाडौं । के तपाई विदेशबाट फर्कदै हुनुहुन्छ ? र कोरोना परीक्षण नगरी आउदै हुनुहुन्छ ? यदि तेसो हो भने, नेपाल आएर कहाँ र कता बस्ने भनेर अब अलमलमा पर्नु पर्ने छैन ।

सरकारले अब विदेशबाट फर्कनेलाई क्वारेन्टाइनमा राख्न ११० होटेल तोकेकाे छ । पर्यटन विभागमा दर्ता भएका २७ र बागमती प्रदेश उपत्यका पर्यटन कार्यालयमा दर्ता भएका ८३ गरि कुल ११० होटेललाई क्वारेन्टाइनका रुपमा तोकिएको हो ।

पीसीआर परीक्षण गरी नेगेटिभ रिर्पोट आएमा घर गन्तब्यमा जान पाउने छन् । यस्तै विभागका अनुसार तोकिएका होटेलमा पाँचतारे होटेल र रिर्सोटदेखि पर्यटक स्तरीय होटेल समेत छन् ।

यसअघि ठमेल क्षेत्रमा घना बस्ती भएको भन्दै क्वारेन्टाइन नबनाउने भनिएकोमा व्यवसायीको विरोधपछि ठमेल क्षेत्रका होटेललाई समेत सामेल गरिएको छ ।

विभागको तथ्याङ्क अनुसार हायात रिजेन्सी, द सोल्टी काठमाडौं, काठमाडौं मेरियट होटेल र र्‍याडिसन गरि चार वटा पाँचतारे होटेलले क्वारेन्टिनमा बस्ने यात्रु राख्ने छन् । गोकर्ण फरेष्ट रिर्सोट, क्लव हिमालय ‘नगरकोट’, समिट होटेल र एयरर्पोट होटेलसमेत यो सूचीमा छन् ।

सरकारले निश्चित गन्तब्य तोकेर हवाई यात्रा खुला गरेको छ । जसअनुसार विदेशमा खोप नलगाई आउने यात्रुले नेपालमा क्वारेन्टिन बस्नु पर्छ । खाडी मुलुकबाट आउने यात्रुले होटेल बुकिङ नगरेपनि नेपाल आउन दिइन्छ ।