कोरोनाबाट पछिल्लो २४ घण्टामा १५ जनाको मृत्यु, संक्रमित कति ?

२२ असार, काठमाडौं । पछिल्लो २४ घण्टामा नेपालमा थप २ हजार ६ सय ३४ जनामा कोरोना संक्रमण पुष्टि भएको छ। स्वास्थ्य मन्त्रालयका अनुसार मुलुकभरमा ७ हजार ५ सय ३ जनाको पीसीआर परीक्षणबाट १७१८ जनामा संक्रमण पुष्टि भएको छ भने ५०८२ जनाको एन्टिजेन परीक्षणबाट ९१६ जनामा पुष्टि भएको छ।

पछिल्लो २४ घन्टामा १२ हजार ५ सय ८५ परीक्षणबाट उक्त संख्यामा संक्रमण पुष्टि भएको हो। मन्त्रालयका अनुसार पछिल्लो २४ घन्टामा १५६५ जना संक्रमणमुक्त भएका छन्।

यस्तै आज कोरोनाबाट पछिल्लो २४ घण्टामा १५ जनाको मृत्यु भएको छ । योसँगै हालसम्म ९ हजार २ सय ६३ जनाको मृत्यु भइसकेको छ। अहिलेसम्म कोरोनाबाट निको हुनेको दर ९४.६ प्रतिशत छ।