पहिरोले घर पुरिदा एकै परिवारका दुईसहित तीन जनाको मृत्यु

२३ असार, दार्चुला । दार्चुलामा पहिरोले पुरिएर तीन जनाको मृत्यु भएको छ । जिल्लाको नौगाढ गाउँपालिका-३ चौखुट्टेमा आएको पहिरोले घर पुरिँदा दुई जना र घट्ट जाने क्रममा आएको पहिरोमा परेर एक जना गरी तीन जनाको मृत्यु भएको

प्रहरीका अनुसार पहिरोले घर पुरिँदा स्थानीय ७२ वर्षीया गेउली ठगुन्ना र उनकी ३ महिनाकी नातिनी मन्जरी ठगुन्नाको मृत्यु भएको छ । यस्तै घट्ट जाने क्रममा आएको पहिरोमा परेर सोही ठाउँका २९ वर्षीय लक्ष्मण सितौलीको पनि मृत्यु भएको छ ।

उनीहरु तीनै जनाको शव पहिरोबाट निकालिएको छ । पहिरोमा परेर नौगाढ गाउँपालिका-३ कै १८ वर्षीया हरमती ठगुन्ना सामान्य घाइते भएका छन् ।