सोमबार अमेरिकाले अनुदानमा दिएको कोभिड भ्याक्सिन आइपुग्ने

२६ असार, काठमाडौं । अमेरिकी सरकारले अनुदानमा नेपाललाई दिन लागेको कोभिड भ्याक्सिन सोमबारसम्म नेपाल आइपुग्ने भएको छ ।

अमेरिकी सरकारले अनुदानमा दिन लागेको १५ लाख डोज कोभिड भ्याक्सिन दिन लागेको प्रधानमन्त्रीका परराष्ट्र मामिला सल्लाहकार राजन भट्टराईले जानकारी दिएका हुन्।

अमेरिकी सरकारले कोभ्याक्समार्फत् अनुदानमा भ्याक्सिन पठाउन लागेको हो। जोन्सन एन्ड जोन्सनले बनाएको उक्त खोप एक डोज लगाए पुग्छ।

थप भ्याक्सिन ल्याउने प्रयास पनि जारी रहेको छ ।