साउन ४ गतेदेखि जोन्सन एण्ड जोन्सनको खोप लगाइने

२९ असार, काठमाडौं । अमेरिकाले नेपाललार्य अनुदानमा दिएको जोन्सन एण्ड जोन्सनको खोप आगामी साउन ४ गतेदेखि काठमाडौंमा लगाइने भएको छ । यो खोप अमेरिकाले कोभ्याक्स कार्यक्रममार्फत उपलब्ध गराएको हो ।

कोभिड–१९ खोप कार्यक्रमलाई थप प्रभावकारी गर्न गठित समन्वय तथा अनुगमन समितिको बैठकले जिल्लाका ४४ वटा खोप केन्द्रबाट साउन ४–६ गतेसम्म जोन्सनको खोप लगाउने निर्णय गरेको हो ।

अमेरिकाबाट सोमबार जोन्सन एन्ड जोन्सनको १५ लाख ३४ हजार ८५० डोज खोप नेपाल आइपुगेको हो । स्वास्थ्य मन्त्रालयले एक डोज मात्र लगाए पुग्ने उक्त खोप ५०–५४ वर्ष उमेर समूहलाई लगाउने निर्णय गरिसकेको छ ।

मंगलबारदेखि सुरु भएको भेरोसेलको पहिलो डोज खोप कार्यक्रम सञ्चालन भएकै ४४ वटा खोप केन्द्रबाट जोन्सन एण्ड जोन्सनको खोप कार्यक्रम सञ्चालन गर्ने निर्णय समितिले गरेको छ ।