देउवाको पीएसओमा डीएसपी शाह

२९ असार, काठमाडौं । प्रधानमन्त्रीमा नियुक्त हुन लागेका शेरबहादुर देउवाको व्यक्तिगत सुरक्षा अधिकृतमा नेपाल प्रहरीले डीएसपी कोमलबिक्रम शाहलाई पठाएको छ ।

हाल नगर प्रहरी कार्यालयमा कार्यरत शाहलाई प्रहरी प्रधान कार्यालयले प्रधानमन्त्रीको पर्सनल सेक्युरिटी अफिसर (पीएसओ) को रुपमा काज सरुवा गरेको हो ।

डीएसपी शाह यसअघि देउवा २०७४ मा चौंथो पटक प्रधानमन्त्री हुँदा पनि प्रमुख सुरक्षा अधिकृतको रुपमा खटिएका थिए । अहिले पनि उनलाई नै पठाएको प्रहरी प्रधान कार्यालय स्रोतले जनाएको छ ।