उपत्यकामा थपिए ४२५ जना काेराेना संक्रमित

३० असार, काठमाडाैं । पछिल्लो २४ घण्टामा उपत्यकामा थप ४ सय २५ जनामा कोरोना भाइरस संक्रमण पुष्टि भएको छ । काठमाडौंमा २९४, भक्तपुरमा ६९ र ललितपुरमा ६२ जनालाई संक्रमण पुष्टि भएको हो ।

स्वास्थ्य मन्त्रालयका अनुसार आज थप २९०५ जनालाई कोरोना भाइरस संक्रमण पुष्टि भएको छ । ८१०८ पीसीआर परीक्षणमा २०१० जना र ४९१६ एन्टिजेन परीक्षणबाट ८९५ जनामा संक्रमण पुष्टि भएको हो । कोरोना संक्रमणबाट पछिल्लो २४ घण्टामा १८ जनाको मृत्यु भएको छ र १६०६ जना संक्रमणमुक्त भएका छन् ।