आज थप २,९०५ जनामा कोरोना संक्रमण, १८ संक्रमितको मृत्यु

३० असार, काठमाडाैं । नेपालमा पछिल्लो २४ घण्टामा थप २ हजार ९०५ जनामा कोरोना संक्रमण पुष्टि भएको छ। ८ हजार १०८ जनाको पीसीआर परीक्षण गर्दा २ हजार १० जनामा संक्रमण पुष्टि भएको छ भने ४ हजार ९१६ जनाको एन्टिजेन परीक्षणबाट ८९५ जनामा पुष्टि भएको छ।

त्यस्तै सोही अवधिमा १ हजार ६०६ जना संक्रमणमुक्त भएका छन्। स्वास्थ्य तथा जनसंख्या मन्त्रालयको तथ्यांकाअनुसार यो अवधिमा १८ जनाको कोरोना संक्रमणबाट मृत्यु भएको छ।

योसँगै नेपालमा कोरोनाबाट मृत्यु हुनेको संख्या ९ हजार ४३० पुगेको छ। हालसम्म ७ लाख ६ हजार ७६१ जनामा संक्रमण पुष्टि भएको छ भने ६ लाख २४ हजार ७११ जना संक्रमण मुक्त भएका छन्।