आज कोरोनाबाट थप ३३ जनाको मृत्यु, २,६७६ संक्रमित

३१ असार, काठमाडौं । नेपालमा पछिल्लो २४ घण्टामा कोरोना भाइरसको संक्रमणबाट थप ३३ जनाको मृत्यु भएको छ । स्वास्थ्य मन्त्रालयका अनुसार आज थप २ हजार ६ सय ७६ जनामा कोरोना भाइरस संक्रमण पुष्टि भएको हो ।

मन्त्रालयका अनुसार ८,२५६ पीसीआर परीक्षणमा १,७८२ र ४,५१२ एन्टिजेन परीक्षणमा ८९४ जना गरी २६७६ जनामा संक्रमण पुष्टि भएको छ भने १,७५७ जना संक्रमणमुक्त भएका छन् ।

सक्रिय संक्रमित २६ हजार ६३९ जनामध्ये होम आइसोलेसनमा २४ हजार २५ जना छन् भने अस्पतालमा दुई हजार ६ सय १४ जना रहेका छन् ।