एमालेले देउवालाई विश्वासको मत नदिने

१, साउन, काठमाडौं । नेकपा एमालेको स्थायी समितिको बैठकले प्रधानमन्त्री शेरबहादुर देउवालाई विश्वासको मत नदिने निर्णय गरेको छ । ललितपुरस्थित तुलसीलाल अमात्य प्रतिष्ठानमा आज बसेको बैठकले देउवालाई विश्वासको मत नदिने निर्णय गरेको हो ।

स्थायी समिति बैठकबाट देउवालाई विश्वासको मत दिन नसकिने निर्णय गरेको प्रवक्ता प्रदिप ज्ञावलीले जानकारी दिए । माधव कुमार नेपाल पक्षका नेताहरु बैठकबाट बाहिरिएपछि ओली पक्षिय नेताहरुको मात्रै बैठक बसेको बुझिएको छ । बैठकले देउवा नेतृत्वको सरकारको विपक्षमा उभिन आफ्ना सांसदहरुलाई निर्देशन दिएको छ ।

त्यस्तै पार्टी एकताको लागि गठित १० सदस्यीय कार्यदल पनि खारेज गरेको ज्ञावलील जानकारी दिए । आजको स्थायी समितिको बैठकले १० बुँदे प्रस्तावलाई अनुमोदन गर्दै कार्यदल विघटन गरेको पार्टी प्रवक्ता ज्ञवालीले बताए ।