युवराज खतिवडाको बाटो पछ्याउँदै अर्थमन्त्री शर्मा

१, साउन, काठमाडौं । समग्र मुलुकको अर्थव्यवस्थाको नेतृत्व गर्ने अर्थ मन्त्रालयको जिम्मेवारी पाएका अर्थमन्त्री जनार्दन शर्माले पूर्व अर्थमन्त्री युवराज खतिवडाको बाटो पछ्याउँदै स्वेतपत्र जारी गर्ने बताएका छन् ।

यसअघि केपी ओली नेतृत्वको सरकारका पालामा पहिलो सत्रमै मुलुकको अर्थतन्त्रबारे ब्याख्या गर्दै अर्थमन्त्री खतिवडाले स्वेतपत्र जारी गरेका थिए ।

खतिवडाको सिको गर्दै अर्थमन्त्री शर्माले देशको अर्थतन्त्रको अवस्थाबारे श्वेतपत्र जारी गर्ने मात्र नभई ओली सरकारले अध्यदेशमार्फत ल्याएको बजेट संसदले हेर्ने बताएका छन् ।

शर्माले संसदबाट बजेट हेरफेर हुन सक्ने संकेतसमेत गरेका छन् यद्यपी बजेटसम्बन्धि यहि साउन ३ गते बोलाइएको संसद बैठकले छिनोफानो गर्ने दावी गरे ।

शुक्रबार सिंहदरबारस्थित अर्थमन्त्रालयमा आर्थिक पत्रकारहरूसँगको भेटघाटमा मन्त्री शर्माले सरकारले देशको अर्थतन्त्रको अवस्था मुल्यांकन गर्दै श्वेतपत्र जारी गरिने जानकारी दिएका हुन् ।