काठमाडौं उपत्यकामा थप ५४१ जनामा संक्रमण पुष्टि

१ साउन, काठमाडाैं । पछिल्लो २४ घण्टामा काठमाडौं उपत्यकामा थप ५४१ जनामा काेराेना संक्रमण पुष्टि भएको छ। काठमाडौंमा ३४३, भक्तपुरमा ६२ र ललितपुरमा १३६ गरी ५५३ जनामा संक्रमण पुष्टि भएको हो।

अहिले काठमाडौं उपत्यकामा ७,६१९ सक्रिय संक्रमित छन्। जसमध्ये काठमाडौंमा ५४४३, भक्तपुरमा १०४५ र ललितपुरमा १,१३१ जना सक्रिय संक्रमित छन्।

कोरोना संक्रमणबाट पछिल्लो २४ घन्टामा २,९३६ जनामा कोरोना संक्रमण पुष्टि भएको छ। मन्त्रालयका अनुसार पछिल्लो २४ घन्टामा १,७७५ जना संक्रमणमुक्त भएका छन्।

यस्तै ४३ जनाको ज्यान गएको मन्त्रालयले जानकारी दिएको छ। योसहित कोरोनाबाट मृत्यु हुनेको संख्या ९,५०६ पुगेको छ।