कविता: ‘बा फर बाकस’
नेपालबहस संवाददाता
साउन १, २०७८ शनिबार ०:१२:५२
हेमन्त गिरी, जापान
‘बा फर बाकस’
हामीलाई लाग्थ्यो
मुगलानमा पैसाको बोट हुन्छ !
हिंड्दा हिंड्दैं बाटोमा सुन भेटिन्छ !!
बा छुट्टीमा आउँदा,
उनको बाकस अक्सर आधा हुँदा
हामीले नमज्जा मान्थ्यौं !
हामी जान्दैन्थ्यौं-
बाको बाकस हजार ठाउँमा
चुहिंदै आएको हुन्छ बाटोभरी…
अलिकति साहुको खातामा
अलिकति आफन्तको हातमा !
अलिकति सपनाको शहरमा
अनि
अलिकति सरकारको घरमा !!
कानेखुशी गर्थ्यौं-
कहाँ लुकाए बाले पैसा ?
कता दबाए सुन ?
किन ल्याएनन खेलौना बाले ?
किन ल्याएनन मिठाई ?
किन प्रत्येक पल्ट
आधा बाकस लिएर आउँछन यी ??
हामी भन्न मात्र सक्दैनथ्यौं-
यस्ता बा त बरु नआएकै जाती !!
नआए हुन्थ्यो भनेका बा
हिंजो फेरि आए !
बाकस पनि भरिएरै आयो !
फरक यत्ति हो-
यसपाली बा
बाकस भित्र आए !!
हामी केटाकेटीलाई के थाहा हुन्छ र
कुन बाकस भित्र के राखिन्छ भन्ने !
हामीलाई त यत्ति थाहा हुन्छ
बाकस भित्र खेलौना र मिठाई मात्र राखिन्छन !!
अब थाहा लाग्यो-
रहस्यका पोकाहरु लुकाई
आश्चर्यका पोकाहरु फुकाउने
दु:खका झिटीझाम्टी पिंधमा राखी
सुखका मिठाईहरु सिरानमा देखाउने
‘सकस’ को ‘स’ लाई
छाती भित्र बन्द गरेर
अग्रमोर्चामा आफू बसेपछि
बाहरु ‘बाकस’ बन्दा रहेछन !
‘पेन्डोराको बाकस’ झैं
प्रायः बन्द हुँदा रहेछन बाहरु !
जब खुल्छन… सकिंदा रहेछन !!
हेमन्त गिरीको फेसबुकबाट साभार…………
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसिक्किमका राईलाई ‘द पोएट आइडल’को उपाधि
जेठ १३, २०८१ आइतबार
साइग्रेसले नेपालका विभिन्न ठाउँमा आफ्नो प्रस्तुति दिने
चैत २६, २०८० सोमबार
ज्ञानुको ‘संवेदनाको समायोग’ माथि पोखरामा चर्चा
चैत २५, २०८० आइतबार
सीमा सुरक्षा प्रहरी चौकी
नेपालबहस संवाददाता
जेठ १४, २०८१ सोमबार
फेरिए नारायणी अस्पतालको मेसु, डा.एनामुलले पाए जिम्मेवारी
आबिद हुसेन
जेठ १३, २०८१ आइतबार
टुँडिखेलमा मनाइयो १७ औँ गणतन्त्र दिवस
जेठ १५, २०८१ मंगलबार
ढल्यो गण्डकी सरकार, पाण्डेलाई मुख्यमन्त्रीमा नियुक्त गर्न सर्वाेच्चको परमादेश
जेठ १४, २०८१ सोमबार
बजेटको आकारअनुसार शिक्षामा बढेन लगानी
जेठ १५, २०८१ मंगलबार
सार्वजनिक खर्चलाई प्रतिफलमुखी बनाउन मितव्ययिता अपनाइने
जेठ १५, २०८१ मंगलबार
विभिन्न क्षेत्रमा लाग्दै आएको करका दरबारे के भन्छ बजेट ?
जेठ १५, २०८१ मंगलबार
बजेट हावादारी भयो, सुधारका कार्यक्रम देखिएनः कांग्रेस
जेठ १५, २०८१ मंगलबार
बजेटमा ६ प्रतिशत आर्थिक वृद्धि हासिल गर्ने लक्ष्य
जेठ १५, २०८१ मंगलबार
सुरक्षाकर्मीको सेवानिवृत्त उमेर पुनरावलोकन गरिने
जेठ १५, २०८१ मंगलबार