एनआईसी एशिया क्यापिटलको अध्यक्षमा ढकाल

काठमाडौं । एनआईसी एशिया क्यापिटलको अध्यक्षमा कपिल ढकाल नियुक्त भएका छन् । शुक्रबार बसेको सञ्चालक समितिको बैठकले ढकाललाई अध्यक्षमा नियुक्त गरेको हो ।

एनआईसी एसिया बैंकका सहायक प्रमुख कार्यकारी अधिकृत रहेका ढकाललाई संचालक समितिले अध्यक्षमा नियुक्त गरेको क्यापिटलले उल्लेख गरेको छ ।

ढकाल एक अनुभवी बैंकर र चार्टर एकाउन्टेन्ट भएको क्यापिटलले जनाएको छ । उनिसँग आईसीआईसी बैंक भारत र डेलोइट इन्डियामा समेत काम गरेको अनुभव छ । ढकालले हाम्रो विकास बैंकमा काम गरेको अनुभव छ ।

ढकालले एआआईसी एशिया बैंकमा बिजनेश प्रोशेस रि–इन्जिनियरिङ विभाग प्रमुखको भूमीकामा प्रवेश गरी बैंकको उच्च व्यवस्थापन तहमा रही १२ वर्षभन्दा बढीको बैंकिङ अनुभव हासिल गरेका छन् ।

ढकालको नेतृत्वमा क्यापिटलले अझ उत्कृष्ट कार्यसम्पादन गर्दै कारोबारमा उल्लेख्य सफलता हासिल गर्ने अपेक्षा गरिएको प्रमुख कार्यकारी अधिकृत रमेन्द्र रायमाझीद्धारा जारी विज्ञप्तिमा जनाइएको छ ।

ढकाल एनआइसी एसिया लघुवित्त वित्तीय संस्थाका अध्यक्ष पनि हुन् ।