प्रधानमन्त्री देउवाद्वारा विश्वासको मत लिने प्रस्ताव संसद सचिवालयमा दर्ता

३ साउन, काठमाडौं । सर्वोच्च अदालतले प्रतिनिधिसभा संसद पुर्नस्थापित गरेपछि संविधानको धारा ७६(५) अनुसार प्रधानमन्त्रीमा नियुक्त भएका शेर बहादुर देउवाले आजै संसदबाट विश्वासको मत लिने भएका छन् । उनले विश्वासको मत लिने प्रस्ताव संसद सचिवालयमा दर्ता गराइसकेका छन् ।

आजको दोश्रो बैठकमा प्रधानमन्त्रीले संविधान बमोजिम विश्वासको मत लिने संसद सचिवालयले उल्लेख गरेको छ । कानुन तथा संसदीय मामिला मन्त्री ज्ञानेन्द्रबहादुर कार्कीले सभामुख मार्फत विश्वासको मत लिने प्रस्ताव संसद सचिवालयमा दर्ता गराएको सभामुखका प्रेस सल्लाहकार श्रीधर न्यौपानेले जानकारी दिए ।

विघटित प्रतिनिधिसभालाई सर्वोच्च अदालतले पुनर्स्थापना गर्न आदेश दिएपछि आज अपराह्न ४ बजे पहिलोचोटी संसद बैठक बस्दै छ ।