घट्यो सुन चाँदीको मूल्य, प्रतितोला ९३ हजार २ सय 

३, साउन, काठमाडौं । केहि दिन यता बढ्दै गरेको सुनचाँदीको मुल्य आइतबार घटेको छ । आर्थिक बर्षको पहिलो दिन स्थिर रहेको सुन चाँदीको कारोबार मूल्यमा आज (आइतबार)भने घटेको छ ।

सुन तोलामा ६ सय रुपैयाँ घटेर ९२ हजार ६ सय रूपैंयाँमा करोबार भईरहेको नेपाल सुनचाँदी व्यवसायी महासंघले जनाएको छ। त्यस्तै चाँदीमा पनि २५ रूपैयाँ घटेर प्रतितोला १२ सय ९५ रुपैंयामा कारोबार भइरहेको छ ।

सुनको मूल्य गत शुक्रबार प्रतितोला ९३ हजार २ सय रुपैंयाँ रहेको थियो भने चाँदीको मूल्य १३ सय २० रुपैंयाँ थियो ।

अन्तर्राष्ट्रिय बजारमा आइतबार सुन प्रतिऔंस १८१२.३६ डलर र चाँदी २५.६७ डलरमा कारोबार भइरहेको महासंघले उल्लेख गरेको छ ।