तालिवानबिरूद्ध रसियाले अमेरिकासँग राखेको यस्तो प्रस्ताव…

३ साउन, एजेन्सी । रूसी अखबार कोमर्सन्टको एक प्रतिवेदनले दावी गरे अनुसार रूसी राष्ट्रपति भ्लादिमिर पुटिनले जुन महिनामा अमेरिकी समकक्षी जो वाइडेनलाई मध्य–एशियामा रहेको रूसी सैन्य अड्डाहरूको प्रयोग गरेर अफगानिस्तानबाट सूचना प्राप्त गर्न प्रस्ताव गरेका थिए ।

यस्तो प्रस्तावका बावजुदपनि गत केही हप्तामा तालिबानी लडाकूहरूले द्रुत गति लिन सक्षम भएपछि रसियाको लागि टाउको दुखाइ भएको छ ।

लगभग २० वर्षको युद्ध पछि अमेरिकी सेना अफगानिस्तानबाट फर्कदै गर्दा, तालिवान लडाकुहरूले विगत केही दिनमा अफगानिस्तानका आधा जिल्लाहरूमध्ये केही प्रमुख चौकीहरूसमेत नियन्त्रणमा लिएको दावी गरेका छन । अर्कोतर्फ रसियालाई डर छ कि यदि तालिबानले यसरी द्रुत गतिमा निरन्तरता दिईरह्यो भने रसियाको दक्षिणी सीमानामा शरणार्थीहरूको संख्या र रक्षा सम्बन्धी चिन्ता बढ्ने छ।

कोमर्सन्टले आफ्नो प्रतिवेदनमा स्रोतको उद्धृत गर्दै भनेको छ कि अमेरिका र रसियाबीचको तनावपूर्ण सम्बन्धको बावजुद जुन १६ मा भएको वार्तामा पुटिनले बाइडेनलाई प्रस्ताव गरे कि उनले रसियाको सेनालाई ताजिकिस्तान र किर्गिजस्तानमा पनि प्रयोग गर्न सक्छन ।

उक्त अखबारले लेखेको छ कि रसियाले अमेरिकालाई ड्रोन प्रयोग गर्ने प्रस्ताव पनि गरेको थियो तर अमेरिकाले यस बारे कुनै ठोस जवाफ दिएन । समाचार एजेन्सी रोयटर्सले यस रिपोर्टमा रूसी सरकारबाट प्रतिक्रिया खोजेको थियो तर उनले यसमा कुनै प्रतिक्रिया पाउ सकेन।

यस महिनाको सुरूमा रायटरले एक रिपोर्ट प्रकाशित गरेको थियो जसमा भनिएको थियो कि बाइडेन प्रशासनले कजाकिस्तान, ताजिकिस्तान र उज्बेकिस्तान सरकारसँग वार्ता गरिरहेको थियो जुन अमेरिकी अभियानमा अमेरिकी सेनालाई सहयोग गर्ने हजारौं अफगानी नागरिकलाई स्वदेश फिर्ता गर्नका लागि पहल गरिएको थियो ।

यो भनिएको छ कि त्यस्ता अफगान व्यक्तिको संख्या १० हजार भन्दा बढी छ जसले अमेरिकी सैन्य अभियानको क्रममा अमेरिकालाई विभिन्न तरिकामा सहयोग पुर्‍यायो । तर अमेरिकी सैनिकहरू फर्के पछि ती मानिसहरू अहिले तालिवान लडाकुको निशानामा छन् र ज्यान खतरामा छ । त्यसैले अमेरिकाले उनीहरूलाई सहयोग गर्न खोजिरहेको छ ।

बिबिसी हिन्दीबाट