माधव नेपाल अब एमालेमा रहनुहुन्नः प्रदिप ज्ञवाली

३, साउन, काठमाडौं । नेकपा एमालेको स्थायी समिति बैठक सकिएको छ । बैठकले प्रधानमन्त्री शेरबहादुर देउवालाई विश्वासको मत दिने विपक्षमा रहन निर्देशन दिइसकेको छ । पार्टी निर्णयभन्दा बाहिर गएर कुनै सांसदले विश्वासको मत दिए उनिहरु पार्टीमा नरहने प्रवक्ता प्रदिप ज्ञावलीले जानकारी दिएका छन् ।

ज्ञावलीले संचारकर्मीमाझ पार्टी निर्णय सुनाउँदै अब माधव नेपाल एमालेमा नरहने जानकारी दिएका छन् । विश्वासको मतको विपक्षमा मत दिन र पार्टी एकताको विषयमा छलफल गर्न आज बिहान कोटेश्वरस्थित नेपाल निवास गएको प्रसंग झिक्दै ज्ञवालीले भने– ‘पार्टीको नीति विपरित नेता नेपालले एक्लै भएपनि देउवाको पक्षमा मतदान गर्ने बताएकाले अब उहाँ एमाले रहनुभएन ।’

प्रवक्ता ज्ञवालीले माधव नेपाल पक्षलाई विश्वासको मतको विपक्षमा उभ्याउन गरिएको प्रयास असफल भएको भन्दै देउवालाई विश्वासको मत दिने पक्षमा अडान लिएका कारण सिङ्गो एमालेले विपक्षमा मतदान गर्ने परिस्थिति बन्न नसकेको बताए । उनले भने, ‘उहाँले नयाँ कोर्समा अगाडि बढ्ने एक खालको निर्णय गरिसक्नुभएको रहेछ । वहाँ अब एमालेमा रहनुहुन्न ।’