कोरोनाबाट पछिल्लो २४ घण्टामा थप २५ जनाको ज्यान गयाे

५ साउन, काठमाडौं । नेपालमा कोरोना भाइरसबाट पछिल्लो २४ घण्टामा थप २५ जनाको ज्यान गएको छ । स्वास्थ्य मन्त्रालयका अनुसार आज सोही अवधिमा १५ सय ९५ जना निको भएका छन् ।

काठमाडौं उपत्यकामा ७१९ सहित देशभर ३१ सय ८ जनालाई कोरोना भाइरसको संक्रमण पुष्टि भएको मन्त्रालयले जनाएको छ ।

देशभरमा १३ हजार १३५ नमुना परीक्षण गर्दा उनीहरुमा संक्रमण पुष्टि भएको हो । यस्तै पछिल्लो २४ घण्टामा काठमाडौंमा ५३१,भक्तपुरमा ४१ र ललितपुरमा १४७ जनालाई पोजेटिभ देखिएको छ ।

अहिले सक्रिय संक्रमित २५ हजार ८३७ जना छन् । अहिलेसम्म नेपालमा ७ लाख २१ हजार ६१७ जनामा संक्रमण पुष्टि भएको छ । जसमध्ये ६ लाख ३४ हजार ९२७ जना संक्रमणमुक्त हुनुका साथै ९६ सय ८ जनाको मृत्यु भएको छ ।