हालै चौथो त्रैमासको विवरण सार्वजनिक गरेको कामना सेवा विकास बैंकको लाभांश क्षमता कति ?

७ साउन, काठमाडौं । हालै कामना सेवा विकास बैंकले गत आवको चौथो त्रैमासिक वित्तीय विवरण सार्वजनिक गरिसकेको छ ।

गत आवको चौथो त्रैमासिक वित्तीय विवरण अनुसार कम्पनीले ७० करोड २ लाख मुनाफा कमाएको छ । समिक्षा अवधिसम्म बैंकको ब्याज आम्दानी र सञ्चालन मुनाफामा वृद्धि हुँदा बैंकले मुनाफा गर्न सफल भएको हो ।

कम्पनीको मुनाफाबाट विभिन्न खर्च कटाई वितरणयोग्य मुनाफा ४३ करोड ४५ लाख २१ हजार रहेको छ । सोही मुनाफाबाट कम्पनीले शेयरधनीलाई लाभांश वितरण गर्दछ ।

हाल कम्पनीको चुक्ता पुँजी २ अर्ब ६५ करोड रहेको छ । कम्पनीको वितरणयोग्य  मुनाफा ÷  चुक्ता पुँजी × १०० गर्दा कम्पनीको लाभांश क्षमता आउँछ । जसअनुसार कम्पनीको लाभांश क्षमता १६ दशमलव ३८ प्रतिशत रहेको छ ।

कम्पनीले अघिल्लो आवको मुनाफाबाट गत वर्ष शेयरधनीलाई ४ दशमलव ४० प्रतिशत बोनस शेयर र शून्य दशमलव २३ प्रतिशत नगद लाभांश कर प्रयोजनको लागि वितरण गरेको थियो ।