आज थपिए २ हजार ७१४ संक्रमित, २४ जनाको मृत्यु

७ साउन, काठमाडौं । स्वास्थ्य मन्त्रालयका अनुसार आज थप २ हजार ७१४ जना कोरोना संक्रमित थपिएका छन्।मन्त्रालयका अनुसार पछिल्लो २४ घण्टामा पिसिआर र एन्टिजेन विधिबाट कुल १२ हजार ८२९ जनाको नमूना परीक्षण गर्दा सो संख्याका संक्रमित थपिएका हुन्।

थप २४ जनाको संक्रमणका कारण मृत्यु भएको मन्त्रालयले जनाएको छ। यीसहित हालसम्म कोरोनाबाट मृत्यु हुनेको संख्या ९ हजार ६६१ पुगेको छ।

पछिल्लो २४ घण्टामा १ हजार २८८ जना कोरोनाबाट मुक्त भएका छन्। मन्त्रालयका अनुसार कुल संक्रमितमध्ये निको हुनेको संख्या ९४।५ प्रतिशत रहेको छ।