धमलाको अध्यक्षतामा डीएलए सर्वोच्च बारको गठन

७ साउन, काठमाडौं । नेपाली कांग्रेस निकट कानुन व्यवसायीहरुको छाता संगठन डेमोक्रयाटिक लर्यस एशोसिएशन (डीएलए) सर्वोच्च बार शाखाको अधिवेशनले अधिवक्ता तेजनाथ धमलालाई अध्यक्ष चयन गरेको छ ।

यूनियन हाउस अनामनगर हिजो सम्पन्न अधिवेशनले धमलाको नेतृत्वमा नौ सदस्यीय कार्य समितिका साथै अधिवक्ता गणेश केसीसहितको ५६ जना पार्षद सर्वसम्मत निर्वाचित गरेको हो ।

डीएलए नेपाल सर्वोच्च बार शाखाका अध्यक्ष नरेन्द्रकुमार के.सी.को अध्यक्षतामा भएको साधारण सभामा डीएलए नेपालका पूर्व अध्यक्ष एवं नेपाली कांग्रेस निर्वाचन समीतिका संयोजक महादेव यादव, महांन्याधिवत्ता खम्बबहादुर खाती, सर्वोच्च अदालत बारका अध्यक्ष पूर्णमान शाक्य, नेपाल बारका महासचिव लिलामणी पौडयाल, नेपाल डेमोक्रेटिक लर्यस एसोसियनका केन्द्रीय अध्यक्ष योगेन्द्र बहादुर अधिकारी लगायतका वक्ताहरुले हालको अवस्था र बारको भुमिकाका बारेमा चर्चा गरेका थिए ।