धादिङमा जोनसन खाेप लगाएका ७८ वर्षीय वृद्धको मृत्यु

८ साउन, धादिङ । धादिङमा कोरोनाकाे खाेप लगाएका एक वुद्धको मृत्यु भएको छ ।  कोभिड १९ विरुद्धको जोनसन एण्ड जोनसन खोप  लगाएको झण्डै पौने तीन घण्टापछि वुद्धको मृत्यु भएकाे हाे ।

जिल्लाको निलकण्ठ नगरपालिका–६ का ७८ वर्षीय वृद्धको खोप लगाएको झण्डै पौने तीन घण्टा पछि मृत्यु भएको प्रहरीले जनाएको छ ।  तर उनको मृत्युको कारण खोप भएको बाँकी छ ।

मृतक वुद्धले आज सुनौला बजार स्वास्थ्य केन्द्रमा साढे ११ बजे तिर खोप लगाएका थिए । खोप लगाएपछि आधा घण्टा जति खोप केन्द्रमा आराम गरेपछि घर गएका थिए ।

घरपरिवारका अनुसार त्यसको झण्डै एकघण्टा पछि उनी बेहोस भएपछि उनलाई थप उपचारका लागि जिल्ला अस्पताल धादिङ ल्याएकोमा उपचारका क्रममा २ः१५ बजे चिकित्सकले मृत घोषणा गरेका हुन् ।

वृद्ध क्रोनिक डाइबेटिजका बिरामी थिए । अहिले वृद्धको मृत्युबारे स्वास्थ्य मन्त्रालयलगायत अन्य सम्बन्धित ठाउँमा रिपोर्ट दिने काम भइसकेको छ ।