वाइडबडी शनिबार पुनः बेइजिङ उड्ने

८ साउन, काठमाडाैं ।  चीनबाट चौथो पटक खोप ल्याउन नेपाल वायुसेवा निगमको वाइडबडी ३३० जहाज शनिबार पुनः बेइजिङ उड्ने भएको छ ।

यस अघि असार २५ गते सरकारले पहिलो पटक आठ लाख नौ हजार ६०० डोज खोप ल्याएको थियो । हालसम्म करिब २५ लाख डोज खोप ल्याइसकेको निगमले जनाएको हाे ।

सरकारले चीन सरकारसँग सरकार–सरकार ‘जिटुजी’ मार्फत जम्मा ४० लाख डोज खोप ल्याउने तय भएको थियो ।सरकारले प्राप्त खोपलाई अग्रभागमा खटिने कर्मचारी, ५० वर्षमाथिका नागरिक र आवश्यकताका आधारमा वितरण गर्ने जनाएको छ ।

आजै मात्र नेपालले खरिद गरेको ४० लाख भेरोसेल खोपको थप खोप शुक्रबार काठमाडौं आइपुगेको छ । निगमको वाइडबडी ३३० जहाज शुक्रबार दिउँसो काठमाडौं अवतरण भएसँगै नेपालले खरिद गरेको २५ लाख डोज खोप काठमाडौं आइपुगेको हो ।

निगमको वाइडवडी ३३० जहाजले एक पटकमा आठ लाख डोज ‘भेरोसेल’ खोप कार्गो गर्ने छ । बिहीबार काठमाडौं आएपछि जहाज पुनः बेइजिङ पुगेर खोप ल्याएको हो ।

बुधबार राती ११ बजे बेइजिङतर्फ उडेको जहाजले आठ लाख डोज खोपको कार्गो ल्याएर त्रिभुवन अन्तर्राष्ट्रिय विमानस्थल अवतरण गरेको निगमले जनाएको छ