आज थप काेराेनाबाट १६ जनाको मृत्यु, ३,११४ संक्रमित

९ साउन, काठमाडौं । नेपालमा कोरोना भाइरस संक्रमण फेरि उकालो लागेको छ । शनिबार पछिल्लो २४ घण्टामा ३१ सय १४ जनालाई संक्रमण पुष्टि भएपछि संक्रमणदर उकालो लागेको हो ।

स्वास्थ्य मन्त्रालयका अनुसार आज थप २ हजार १९७ जना निको भएका छन् । सोही अवधिमा १६ जनाको मृत्यु भएको छ । यस्तै आज देशभर थपिएका संक्रमितमध्ये काठमाडौं उपत्यकामा ६१५ जना छन् । काठमाडौंमा ४२१, भक्तपुरमा ८६ र ललितपुरमा १०८ जनालाई पोजेटिभ देखिएको मन्त्रालयले जनाएको छ ।

स्वास्थ्य तथा जनसंख्या मन्त्रालयका अनुसार १० हजार ६२५ पीसीआर र ४२ सय ८५ एन्टीजेन गरि १४ हजार ९१० जनाको कोरोना परीक्षण भएको छ ।

अहिले सक्रिय संक्रमित २७ हजार ७५७ जना छन् जसमध्ये अहिले ६५० जना आइसियु र १६५ जना भेन्टिलेटरमा रहेका छन् ।