हिमालय एयरलाइन्सको उडानबाट तस्करीको सुन पक्राउ

१२ साउन, काठमाडौं । हिमालय एयरलाइन्सको दुवई उडानबाट काठमाडौं अवतरण गरेका एकजना यात्रुको साथबाट भन्सारले १ किलो १६५ ग्राम सुन बरामद गरेको छ ।

त्रिभुवन अन्तर्राष्ट्रिय भन्सार कार्यालय स्रोतका अनुसार आज हिमालय एयरलाइन्सको बिहान ११ बजे दुवई उडानबाट काठमाडौं आएका पदम परियारको साथबाट उक्त परिणामको तस्करीको सुन पक्राउ परेको हो ।

अहिले बरामद सुन र भरिया परियारलाई हिरासतमा लिई थप अनुसन्धान भईरहेको छ । ३३ किलो सुन तस्करीको सुन प्रकरणपछि सेलाएको भनिएको दुवई काठमाडौं नेक्सस् फेरि सलबलाएको यस घटनाबाट पुष्टि हुन्छ ।