तीन सचिवको सरुवा, अर्थमा मधु मरासिनी

१७ साउन, काठमाडौं । शेरबहादुर देउवा नेतृत्वको सरकारले महालेखा नियन्त्रक रहेका मधु मरासिनीलाई अर्थमन्त्रालयमा सरुवा गरेको छ । गत साउन १२ गते बसेको मन्त्रिपरिषद बैठकले मरासिनीसहित तीन सचिवको सरुवा गरेको हो ।

अर्थसचिव रहेका शिशिरकुमार ढुंगानालाई भने सरकारले प्रधानमन्त्री तथा मन्त्रिपरिषद कार्यालयमा थन्काएको छ । ढुंगाना राजन खनाल सेवा निवृत्त बनेसँगै अर्थसचिव बनेका थिए ।

उनी त्यसअगाडि पनि प्रधानमन्त्री तथा मन्त्रिपरिषद कार्यालयमै थिए । साथै स्वास्थ्य तथा जनसंख्या मन्त्रालयमा रहेका सचिव लक्ष्मण अर्याललाई समेत प्रधानमन्त्री तथा मन्त्रिपरिषद कार्यालयमा सरुवा गरिएको छ ।

त्यहाँ स्वास्थ्य मन्त्रालयकै डाक्टरको केही समय अघि बढुवा भएको थियो । अब उनैलाई स्वास्थ्य सचिव बनाईने भएको छ ।