गैरआवासीय नेपाली संघ जापानका अध्यक्षमा पौडेल विजयी

◊गणेश खनियाँ

१७ साउन, टोकियो । गैरआवासीय नेपाली संघ जापानको अध्यक्षमा शिवप्रसाद पौडेल विजयी भएको छ । दशौँ महाधिवेशनबाट अन्य चार प्रतिस्पर्धीलाई पछाडि पारी उनी निर्वाचित भएको हो । जुलाई २५ बाट जारी महाधिवेशननमा नयाँ कार्यसमिति २०२१–२३ का लागि सहमति जुटाउने प्रयास असफल भएपछि आज मतदान भएको थियो ।

निर्वाचन समितिका अनुसार कूल नौ हजार ३९४ मतदाता रहेकामा कूल सात हजार ७६७ मत खसेको थियो । नवनिर्वाचित पौडेलले तीन हजार ३८ र निकटतम् प्रतिस्पर्धी अनिता गुरुङले एक हजार ८६९ मत प्राप्त गरेको छ । यसैगरी वरिष्ठ उपाध्यक्षमा नवीन निउरे निर्वाचित भएको छ । यसपटक कूल २९ पदका लागि ५९ ले उम्मेदवारी दिएको थियो ।