काठमाडौं उपत्यकामा १,२७९ संक्रमित थपिए

२० साउन, काठमाडौं । काठमाडौं उपत्यकामा बुधबार १२७९ जनामा कोरोना भाइरस संक्रमण भएको छ । स्वास्थ्य मन्त्रालयका अनुसार काठमाडौं ९०८, भक्तपुरमा २०६ र ललितपुरमा १६५ गरी १२७९ जनामा कोरोना संक्रमण पुष्टि भएको हो ।

पछिल्लो २४ घण्टामा थप ४१०७ जनामा कोरोना भाइरस ‘कोभिड–१९’ को संक्रमण पुष्टि भएको छ भने ३५ जनाको मृत्‍यु भएको छ ।

यस्तै १,५३५ जना संक्रमणमुक्त भएका छन् भने संक्रमणमुक्तको संख्या ६ लाख ६१ हजार ६५१ पुगेको छ । यस्तै कोरोना संक्रमितको कुल संख्या ७ लाख ५ हजार ७२ जना पुगेको छ ।