आजदेखि कोरोना खोप लगाएका नेपालीलाई युएईमा प्रवेश खुला

२१ साउन, काठमाडौं । बिहीबारदेखि संयुक्त अरब इमिरेट्स ‘युएई’मा नेपालीलाई प्रवेश खुला गरिएको छ । युएईले कोरोनाविरुद्धको खोप लगाएका नेपालीलाई आज बिहीबारदेखि लागू हुने गरी प्रवेश खुला गरेको हो ।

आबुधावीस्थित नेपाली दूतावासका अनुसार युएईको भिसा भएका तर खोप नलगाएका व्यक्तिलाई ४८ घण्टाको पीसीआर नेगेटिभ रिपोर्ट अनिवार्य गरिएको छ ।

युएइको सरकारी निकायमा कार्यरत व्यक्ति, युएइमा कार्यरत स्वास्थ्यकर्मी, युएइका विद्यालय तथा विश्वविद्यालयका शिक्षक, युएइमा उपचार चलिरहेका व्यक्ति, विशेष मानवीय परिस्थिति भएका व्यक्तिले प्रवेश पाउनेछन् ।