अष्ट्राजेनेकाको ८ लाख डोज खोप शनिबार काठमाडौं आइपुग्ने

२१ साउन, काठमाडौं । जापान सरकारले नेपाललाई अनुदालमा दिने कोरोना भाइरस विरुद्धको ‘कोभिड–१९’ खोप शनिबार र आइतबार काठमाडौं आइपुग्ने भएको छ ।

जापान सरकारले अनुदानमा दिन लागेको अष्ट्राजेनेकाको ८ लाख डोज खोप शनिबार काठमाडौं आइपुग्ने भएको हो ।
काठमाडौंस्थित जापानी राजदूतावासले विज्ञप्ति जारी गर्दै शनिबार र आइतबार गरी आठ लाख डोज खोप आउने जानकारी दिएको छ ।

जापानबाट बिहीबार र शुक्रबार गरी दुइटा विमान काठमाडौंका लागि उड्नेछन्। ती खोप क्रमशस् शनिबार र आइतबार काठमाडौं आइपुग्ने विज्ञप्तिमा उल्लेख छ।

जापान सरकारले नेपाललाई १६ लाख डोज अष्ट्राजेनेका खोप दिन लागेको हो। बाँकी आठ लाखपछि आइपुग्ने राजदूतावासले जनाएको छ।