काठमाडौं उपत्यकामा थप १,०७५ जनामा कोरोना पुष्टि

२१ साउन, काठमाडौं । बिहीबार काठमाडौं उपत्यकामा १,०७५ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार काठमाडौंमा ७६६, ललितपुरमा १६३ र भक्तपुरमा १४६ गरी काठमाडौं उपत्यकामा १,०७५ जनामा संक्रमण पुष्टि भएको हो ।

बुधबार उपत्यकामा १,२७९ जना कोरोना संक्रमित थपिएका थिए । पछिल्लो २४ घण्टामा ३,९३८ जनामा कोरोना भाइरस संक्रमण पुष्टि भएको छ भने ३७ जनाको मृत्‍यु भएको छ ।