ड्रुक एयरको कार्गो विमानले ल्यायाे ३ लाख डोज खोप

२२ साउन, काठमाडौं । भुटानले पठाएको ३ लाख डोज खोप काठमाडौं आइपुगेको छ । ड्रुक एयरको कार्गो विमान खोप लिएर शुक्रबार त्रिभुवन अन्तराष्ट्रिय विमानस्थल अवतरण गरेको हो।

स्वास्थ्य सेवा विभागले शनिबार भुटानबाट खोप आउने जनाएता पनि एक दिनअघि नै भुटानले खोप पठाएको हो ।

भुटानबाट एस्ट्राजेनेका खोप आउने भएकोले यो खोप कोभिशिल्डको पहिलो मात्रा लगाई दोस्रो मात्रा लगाउन नपाएका नागरिकलाई प्राथमिकताका साथ दिइने विभागले जनाएको छ ।