सप्तकोशी डेभलपमेन्ट बैंकको लाभांश क्षमता कति ?

२२ साउन, काठमाडौं । सप्तकोशी डेभलपमेन्ट बैंकले गत आर्थिक वर्ष मुनाफा वृद्धि गर्दा बैंकको वितरणयोग्य मुनाफा ७ करोड ४४ लाख कायम भएको छ। ८३ करोड ४३ लाख रुपैयाँ चुक्ता पूँजी रहेको बैंकले गत आर्थिक वर्षमा आर्जन गरेको मुनाफाबाट शेयरधनीलाई ८ दशमलव ९१ प्रतिशतसम्म लाभांश वितरण गर्नसक्ने क्षमता बनाएको छ।

सप्तकोशी डेभलपमेन्ट बैंकले अघिल्लो आर्थिक वर्षको चौथो त्रैमासमा ३ करोड २ लाख रुपैयाँ मुनाफा गरेको बैंकले गत आर्थिक वर्षको सोहि अवधिमा ६ करोड १९ लाख ३८ हजार रुपैयाँ मुनाफा गरेको छ। जुन गत आर्थिक वर्षको तुलनामा १०४.८३ प्रतिशतले धेरै हो।

चौथो त्रैमाससम्ममा बैंकको ब्याज आम्दानी २.१६ प्रतिशतले घटेर २१ करोड ७२ लाख रुपैयाँमा झरेको छ। खुद ब्याज आम्दानी घटेपनि बैंकको इपेरिमेन्ट चार्ज रिभर्स हुँदा उसको सञ्चालन नाफा बढेको छ। जसले गर्दा खुद नाफा बढ्न सहयोग पुगेको हो। बैंकको सञ्चालन नाफा ११२.३२ प्रतिशतले बढेको छ भने फि तथा कमिसन मार्फत हुने आम्दानी पनि ३४.५२ प्रतिशतले बढेको छ।

मुनाफा बढेसँगै बैंकको वितरणयोग्य नाफा पनि १ करोड ३० लाख रुपैयाँबाट बढेर ७ करोड ४४ लाख रुपैयाँ पुगेको छ।

८३ करोड रुपैयाँ चुक्ता पूँजी रहेको बेंकको जगेडा कोषमा ९ करोड ८० लाख रुपैयाँ रहेको छ भने रिटेर्न अर्निङमा ७ करोड ४४ लाख रुपैयाँ रहेको छ।

बैंकको निक्षेप संकलन ३२.६१ प्रतिशतले बढेर ४ अर्ब ५१ करोड १७ लाख रुपैयाँ पुगेको छ भने कर्जा लगानी ४२.४६ प्रतिशतले बढेर ३ अर्ब ९९ करोड रुपैयाँ पुगेको छ। बैंकको खराब कर्जा पनि ३.९२ प्रतिशतबाट घटेर १.४४ प्रतिशतमा झरेको छ।

बैंकको प्रतिशेयर आम्दानी ३ रुपैयाँ ६२ पैसाबाट बढेर बढेर ७ रुपैयाँ ४२ पैसा पुगेको छ भने प्रतिशेयर नेटवर्थ पनि १२० रुपैयाँ ६७ पैसा पुगेको छ। बैंकको मूल्य आम्दानी अनुपात ४९.१७ गुणा रहेको छ।